پورے ملک کو معلوم ہے کہ نوازالدین صدیقی کی بیوی عالیہ صدیقی نے انہیں طلاق کے لیے قانونی نوٹس بھیج دیاہے، جس کے بعد عالیہ نے ٹوئیٹر پر بھی اپنا اکاؤنٹ بنالیا ہے تاکہ وہ اپنی بات کو واضح طور پر پیش کر سکیں۔
حالیہ رپورٹ کے مطابق سوشل میڈیا پر عالیہ کے ذریعہ بھیجا گیا قانونی نوٹس وائرل ہورہا ہے جس سے معلوم ہوا ہے کہ انہوں نے طلاق میں 30 کروڑ اور 4 بی ایچ کے فلیٹ کا بھی مطالبہ کیا ہے۔رپورٹ میں مزید یہ بھی کہا گیا ہے کہ دونوں بچوں کے لیے 20 کروڑ کی ایف ڈی کا بھی مطالبہ کیا ہے۔
حالانکہ عالیہ نے خود ہی ٹوئیٹ پر ان ساری باتوں کو غلط قرار دیا ہے اور اداکار اور ان کی پی آر ٹیم پر غصہ ظاہر کیا۔
انہوں نے ٹوئیٹ میں لکھا کہ میرے وکیلوں کے پاس کئی میڈیا ہاؤس سے فون اور میسج آرہے ہیں،جس میں یہ دعوی کیا جارہا ہے کہ ان کے پاس میرے طلاق کی نوٹس کی ایک کاپی موجود ہے اور اس کی تصدیق ہونے کے بعد مجھے یہ معلوم ہوا کہ وہ 'نقلی کاپی' ہے۔ان سب کے پیچھے کون ہے؟ ظاہر ہے پی آر ٹیم جو کسی کی عزت بچانے کی کوشش کررہی ہے ،اب بہت کچھ سامنے آئے گا۔
انہوں نے ایک اور ٹوئیٹ کیا اور بتایا کہ میڈیا ہاؤس میں جعلی کاپی کا پھیلانا پی آر ٹیم کا کام ہے۔میں سبھی میڈیا اداروں اور صحافیوں سے یہ گزارش کرنا چاہتی ہوں کہ اگر آپ کو کچھ بھی ایسا ملتا ہے یا نظر آتا ہے تو مہربانی کرکے مجھ سے رابطہ کریں۔
