جمعرات کی شام میڈیا کے ایک حصے نے یہ خبریں چلانی شروع کردیں کہ تجربہ کار اداکار نصیرالدین شاہ ہسپتال میں داخل ہیں۔ تاہم ان کے اہل خانہ نے تصدیق کی ہے کہ وہ ٹھیک اور صحت مند ہیں اور وہ شہر میں اپنی رہائش گاہ میں قیام پذیر ہیں۔
ای ٹی وی بھارت کے ساتھ ایک خصوصی انٹرویو میں نصیرالدین کے منیجر نے بتایا کہ 'یہ مکمل طور پر جعلی خبر ہے۔ ہمیں نہیں معلوم کہ کون اس خبر کو پھیلارہا ہے۔ نصیرالدین اچھا کام کررہے ہیں'۔
منیجر نے مزید کہا کہ وہ اپنے فارم ہاؤس میں اپنے افراد خانہ کے ساتھ مصروف ہیں، جو ممبئی سے تین گھنٹے کے فاصلے پر کرات اور پونے کے درمیان واقع ہے ۔
انہوں نے کہا ہے کہ 'نصیر جی اور ان کے اہل خانہ لاک ڈاؤن کے بعد سے فارم ہاؤس میں ہیں۔ وہ وہاں سے واپس نہیں آئے ہیں اور فی الحال وہیں مقیم ہیں'۔
تمام خبروں کی نفی کرتے ہوئے انھوں نے کہا کہ 'لوگوں نے بغیر کسی تصدیق کے یہ خبر پھیلائی ہے'۔
سائرہ شاہ حلیم نے تصدیق کی ہے کہ 'وہ بالکل ٹھیک ہیں۔ وہ ممبئی میں میری خالہ رتنا کے ساتھ لاک ڈاؤن کے اصولوں پر عمل کررہے ہیں۔ ان کے متعلق پھیلائی جارہی جعلی خبر ہے'۔
