منشیات پارٹی کیس میں گرفتار آرین خان کو آج عدالت میں پیش کیا گیا تھا جہاں اسے 14 دنوں کی عدالتی کسٹڈی میں بھیجا گیا۔ آرین اور اس کے ساتھ گرفتار بقیہ 7 لوگوں کو عدالت نے اپنی تحویل میں رکھنے کا حکم دیا ہے۔
عدالت نے کہا کہ یہ کیس اب اسپیشل این ڈی پی ایس کورٹ میں چلے گا۔
اس کے علاوہ تمام ملزمین کو کل تک این سی بی آفس میں ہی رکھا جائے گا کیوں کہ موجودہ حالات اور کورونا وائرس کے سبب جیل انتظامیہ کسی بھی نئے قیدی کو لینے سے گریز کررہا ہے۔
واضح رہے کہ این سی بی نے اس معاملے میں تمام ملزمین کی 11 اکتوبر تک کسٹڈی کا مطالبہ کیا تھا لیکن کورٹ نے ان کے مطالبے کو مسترد کرتے ہوئے ملزمین کو عدالتی تحویل میں بھیج دیا۔
