امیتابھ بچن ، آیوشمان کھرانہ اسٹارر فلم 'گلابو سیتابو' کا پریمیئر 15 زبانوں کے سب ٹائٹل پر مشتمل ہے جس میں عربی، روسی، پولش اور جرمن زبانیں شامل ہیں۔ فلم کا پریمیئر 200 ممالک میں ہونا ہے۔
سجیت سرکار کی ہدایتکاری میں بنی اس ڈرامہ فلم گلابو سیتابو کو اب او ٹی ٹی پلیٹ فارم پر آگے بڑھایا جائے گا کیوںکہ کورونا وائرس کی وجہ سے تمام سنیما گھر بند کر دیے گئے ہیں۔
- https://www.youtube.com/watch?v=o0qeQ_yHqtA&feature=youtu.be
فلم کا پریمیر مجموعی طور پر 15 سب ٹائٹل کے ساتھ ہوگا۔ جیسے عربی ، روسی، پولش، جرمن، فرینچ، اسپینش، اطالوی، پرتگالی، انڈونیشیائی، ملئی، کورین، یونانی، ترکی سمیت انگریزی میں جاری کیا جائے گا۔
'گلابو سیتابو' کو 12 جون کو ایمیزون پرائم ویڈیو پر ریلیز کیا جائے گا۔ فلم میں آیوشمان اور امیتابھ کے ساتھ ساتھ وجے راج بھی ایک اہم کردار میں ہیں۔
