ٹی وی اداکارہ مالوی ملہوترا پر حملہ کرنے والے شخص کو ممبئی پولیس نے گرفتار کرلیا ہے۔ممبئی پولیس نے منگل کی رات کو پالگھر ضلع کے قریب میں موجود وسائی علاقے کے اسپتال سے ملزم یوگیش مہیپال کو گرفتار کیا۔
وہیں اداکارہ کے مطابق سنگھ نے پیر کی رات کو ممبئی کے ورسوا علاقے میں مبینہ طور پر ان کے پیٹ اور دونوں ہاتھوں میں چاقو سے حملہ کیا تھا کیونکہ اداکارہ نے سنگھ کی شادی کی تجویز سے انکار کیا تھا۔
پولیس نے بتایا کہ مالوی ممبئی کے نجی اسپتال میں زیر علاج ہیں۔منگل کی رات کو ورسووا پولیس نے وسائی میں مقیم اسپتال سے ملزم کو گرفتار کیا ہے اور ملزم سے اس معاملے پر پوچھ گچھ کی جارہی ہے۔
اداکارہ مالوی نے پولیس کو بتایا ہے کہ وہ ملزم کو گزشتہ ایک برس سے جانتی ہے اور وہ ان سے شادی کرنا چاہتا تھا، لیکن اداکارہ نے اس کی اس تجویز کو انکار کردیا تھا۔
واضح رہے کہ اداکارہ مالوی پر حملہ ہونے کے بعد سوشل میڈیا پر کئی اداکارؤں نے اپنے ردعمل ظاہر کیے۔اس حادثے کے بعد اداکارہ کنگنا رناوت کا ردعمل بھی سامنے آیا ہے۔
انہوں نے ٹویٹ کرتے ہوئے لکھا کہ 'یہ فلم انڈسٹری کی سچائی ہے، یہ چھوٹے شہر سے آئے اسٹرگلس کے ساتھ ہوتا ہے، جن کے پاس کوئی کنیکشن نہیں ہوتا ہے۔ یہ فلمی ستاروں کے بچے (نیپوٹزم کڈ) جتنا چاہیں خود کا بچاؤ کرسکتے ہیں، لیکن ان میں سے کتنے کو چاکو سے مارا جاتا ہے، کتنوں کے ساتھ جنسی زیادتی کی جاتی ہے یا انہیں مار دیا جاتا ہے'۔
