بھوجپوری اداکار کھیساری لال یادو اور کاجل راگھوانی اسٹارر فلم 'باغی' کا ورلڈ ٹیلی ویژن پریمیئر14 اگست کو فلمچی چینل پر ہوگا۔
جے آر پروڈکشن ہاؤس کے بینر تلے بنی فلم ’باغی‘ 14 اگست کو شام 6:30 بجے ٹیلی کاسٹ ہوگی جبکہ 15اگست کو اس کی نمائش سہ پہر 3:30 بجے کی جائے گی۔
فلمچی چینل کے نائب صدر (حکمت عملی) ترون تلریجا نے بتایا کہ یوم آزادی کے موقع پر ہم نے اس فلم کی نمائش ٹیلی ویژن پر کرنے کا فیصلہ کیا ہے اور امید ہے کہ فلم کو شائقین کی جانب سے اچھا رسپانس ملے گا۔
انہوں نے کہا کہ فلمچی ٹی وی ان 10 میڈیا نیٹ ورک کا پریمیم بھوجپوری فلم چینل ہے جس پر ناظرین ہفتے کے ساتوں دن 24 گھنٹے بھوجپوری فلمیں دیکھ سکیں گے۔ نیز آنے والے مہینوں میں فلمیچی پر کئی بڑی فلموں کا ورلڈ ٹی وی پریمیئر کیا جائے گا۔ یہ چینل فری ڈش، ٹاٹا اسکائی، ایئرٹیل ٹی وی، ڈش ٹی وی، جی ٹی پی ایل، درش، سٹی موریہ، سٹی کیبل وغیرہ پر دستیاب ہے۔
قابل ذکر بات یہ ہے کہ فلم 'باغی' کے ڈائریکٹر شیکھر شرما اور پروڈیوسر جینت گھوش ہیں۔
یو این آئی
