اداکارہ کترینہ کیف نے سال 2003 میں ڈارک کامیڈی تھرلر 'بوم' سے بالی ووڈ میں قدم رکھا تھا۔ وہ اس فلم میں ماڈل میگھنا ریڈی کے بجائے آخری لمحے میں کاسٹ ہوئی تھیں۔
کترینہ کو سنہ 2005 کے رومانٹک کامیڈی 'میں نے پیار کیوں کیا' سے پہچان ملی۔ 2006 میں اداکارہ نے 'ہم کو دیوانہ کر گئے' میں اکشے کمار کے ساتھ کام کیا۔
2017 میں بیک ٹو بیک ہٹ فلمیں ان کے کیریئر کا اہم موڑ ثابت ہوئی۔ کترینہ 'نمستے لندن' ، 'اپنے' ، 'پارٹنر' اور 'ویلکم' جیسی فلموں میں نظر آئیں ، ان تمام فلموں نے باکس آفس پر کمال کر دیا۔
'زندگی نہ ملیگی دوبارا' ، 'ایک تھا ٹائیگر' ، 'جب تک ہے جان' ، 'دھوم 3' ، اور 'ٹائیگر زندہ ہے' جیسی فلموں میں اپنی بہترین پرفارمنس کے ساتھ ، کترینہ نے خود کو بالی ووڈ کی صف اول کی اداکاراؤں کی فہرست میں شامل کیا۔
کترینہ اپنے رقص سے سب کو دیوانہ بنا دیتی ہیں۔ 'ٹچ می'، 'شیلا کی جوانی' ، 'چکنی چمیلی' ، 'عشق شاوا' یا 'کملی' جیسے آئٹم نمبر کر کے بھی کترینہ نے اپنے مداحوں کا دل چرایا ہے۔
کرتینہ جلد ہی روہت شیٹی کی ایکشن ڈراما فلم 'سوریہ ونشی' میں اکشے کے ساتھ نظر آئیں گی۔ اسی کے ساتھ وہ علی عباس ضفر کے ساتھ بھی ایک فلم کرنے والی ہیں۔
