بالی ووڈ اسٹار کرینا کپور خان اور سیف علی خان کے گھر ایک بار پھر نئے مہمان نے دستک دی ہے۔ آج کرینا کپور نے بیٹے کو جنم دیا ہے۔
اداکارہ نے برج کینڈی ہسپتال میں بچے کو جنم دیا ہے۔ کرینا کو گشتہ روز شام ہسپتال لے جایا گیا تھا۔ کرینہ کو پہلے سے ایک چار سال کا بیٹا (تیمور) ہے۔ یہ دوسری مرتبہ ہے جب دونوں (سیف-کرینا) ماں باپ بن رہے ہیں۔
کرینا کے والد رندھیر کپور نے بتایا کہ 'کرینا نے صبح قریب نو بجے بیٹے کو جنم دیا۔ میں جلد ہی ان سے ملنے جاؤں گا۔'
کرینا کی چچا زاد بہن ردھیما کپور نے اپنی انسٹاگرام اسٹوری پر سیف اور کرینا کو نئے مہمان کی آمد پر مبارکباد دی۔
معروف فیشن ڈیزائنر اور کرینا کپور کے قریبی دوست منیش ملہوترا نے بھی انسٹاگرام اسٹوری پر کرینا اور سیف کو مبارکباد پیش کی۔
کرینا کپور نے گزشتہ برس اگست ماہ میں اپنے حاملہ ہونے کی اطلاع انسٹاگرام پر دی تھی۔
اس کے بعد اپنے خیر خواہوں کا شکریہ ادا کرتے ہوئے سیف اور کرینا نے ایک مشترکہ بیان جاری کیا تھا کہ 'ہمیں یہ اعلان کرتے ہوئے بہت خوشی ہورہی ہے کہ ہم اپنے کنبے میں اضافہ کی توقع کر رہے ہیں۔ ہمارے تمام خیر خواہوں کا ان کی محبت اور حمایت کے لئے آپ کا شکریہ'۔
