بالی وڈ فلم کے ہدایت کار کرن جوہر گزشتہ کچھ وقت سے اپنی فلم تخت کو لے کر سرخیوں میں ہیں۔ اسے بہت بڑے پیمانے پر ریلیز کیے جانے کی خبر تھی۔ لیکن اب تخت کو لے کر جو رپورٹز سامنے آ رہی ہیں وہ اچھی نہیں ہیں۔
کرن جوہر نے اس فلم پر کام روک دیا ہے۔ بالی وڈ ہنگامہ کی رپورٹ کے مطابق فلم کو شوٹنگ کے لیے کوئی اسٹوڈیو نہیں مل رہا تھا۔ ساتھ ہی موجودہ سیاسی پسمنظر کے مدے نظر بھی یہ فیصلہ لیا گیا ہے تاکہ کسی بھی طرح کے تنازع سے بچا جا سکے۔
کرن جوہر اتنے بڑے پروجیکٹ کو مشکل میں نہیں ڈالنا چاہتے اس لیے انہوں نے فی الحال کے لیے اس فلم پر کام بند کر دیا ہے۔ وہ کچھ برسوں بعد اس فلم کو بنانے پر خیال کر سکتے ہیں۔
یہ بھی پڑھیں: میوزک ویڈیو کی شوٹنگ کے لیے شہناز گل کشمیر میں
دراصل یہ فلم ایک ہسٹوریکل ڈرامہ فلم تھی۔ یہ کہانی مغل بادشاہ اورنگزیب اور اس کے بھائي داراشکوہ کی کہانی تھی۔ فلم میں رنویر سنگ دارا شکوہ اور وکی کوشل اورنگزیب کے رول میں نظر آنے والے تھے۔
اس کے علاوہ یہ ایک ملٹی اسٹار فلم تھی جس میں انل کپور، کرینہ کپور، الیہ بھٹ، بھومی پیڈنیکر اور جہانوی کپور بھی نظر آنے والی تھیں۔
