بالی ووڈ ادکارہ کنگنا رناوت کے تیور ان دونوں کافی سخٹ ہیں۔ ادھو ٹھارے کے بعد اب براہ راست کانگریس کی عبوری صدر سونیا گاندھی پر حملہ آور ہوئی ہیں۔
کنگنا رناوت کا سونیا گاندھی پر براہ راست تنقید اس وقت سامنے آیا ہے جب ان کی آبائی ریاست ہماچل پردیش میں اس پر بحث تیز ہوگئی ہے کہ وہ اور ان کا کنبہ بی جے پی میں شامل ہوسکتا ہے۔
ایک دن پہلے ہی کنگنا کی ماں اور سابق ٹیچر آشا رناوت نے وزیر اعظم نریندر مودی اور مرکزی وزیر امت شاہ کو مباک باد دیتے ہوئے کہا تھا ' یہ جانتے ہوئے بھی ہم کانگریسی حامی تھے انہوں نے ہمارا ساتھ دیا'۔ کنگنا کے دادا آنجہانی سرجو رام منڈی ضلع کی گوپال پوری سیٹ سے کانگریس کے رکن اسمبلی تھے۔
کنگا نے جمعہ کو ایک ٹویٹ میں سونیا گاندھی کو خطاب کرتے ہوئے کھا تھا' جب آپ کی حکومت میں خواتین کا استحصال کیا جارہا ہے اور قانون وانتظام کا مذاق اڑاایا جارہا ہے ایسے میں آپ کی خاموشی کو تاریخ دیکھے گی، مجھے امید ہے کہ آپ دخل دیں گی'۔ کنگنا نے مزید کہا ' محترمہ سونیا گاندھی جی ایک خاتون ہونے کے ناطے کیا مہاراشٹر میں آپ اپنی سرکار کی جانب سے میرے ساتھ کیے گئے اس سلوک سے غصے میں نہیں ہیں؟'
جمعرات کو ہماچل بی جے پی نے منالی سے 155 کلو میٹر دور بھانولہ واقع کنگنا کے آبائی رہائشگاہ تک اظہار یکجہتی کے طور پر مارچ نکالا۔ فی الحال کوئی سرکاری تصدیق نہیں ہوئی ہے لیکن ذرائع کے مطابق بی جے پی کی ہماچل یونٹ پہلے ہی رناوت کنبہ کے پارٹی میں استقبال کو لے کر اپنا پیغام دے چکی ہے۔
کنگنا کی ماں اس مسئلے پر ٹوئٹر پر دیر سے ایکٹیو ہوئی ہیں۔ ان کے اکاؤنٹ سے زیادہ تر ٹویٹ گزشتہ مہینے ہوئے ہیں۔ ان میں انہیں کانگریس اور شیوسینا کے خلاف لکھا ہے۔ گزشتہ دنوں آشا رناوت کے ٹوئٹر پر 18،000 فالور تھے، کنگنا رناوت کے تنازع کے بعد ان کے ٹویٹر اکاؤنٹ میں مزید 10،000 فالورس کا اضافہ ہوا ہے۔
