بالی ووڈ اداکارہ کاجول کورونا وائرس کے سبب ملک گیر سطح پر کیے گئے لاک ڈاؤن کے دوران اپنی والدہ اور اداکارہ تنوجا کو بہت یاد کر رہی ہیں۔
جمعہ کو اپنے انسٹاگرام اکاؤنٹ پر کاجول نے ایک تصویر شیئر کی جس میں وہ اپنی ماں کے ساتھ مسکراتے ہوئے دکھائی دے رہی ہیں۔
کاجول نے تصویر کے عنوان میں لکھا کہ میں اپنی ماں کو یاد کر رہی ہوں۔ خود ساختہ علیحدگی اختیار کرتے ہوئے 45 دن مکمل ہوگئے ہیں۔
بہت ساری مداحوں نے اس ماں بیٹی کی جوڑی کی تصویر پر دل کی ایموجیز بھیجی ہیں۔
کاجول نیٹ فلکس کی فلم تریبھنگا سے ڈیجیٹل ڈیبیو کرتی نظر آئیں گی، جس کی ہدایتکاری رینوکا شاہانے کر رہی ہیں۔
