چند روز قبل دیپیکا اور کارتک کی ایک ویڈیو وائرل ہوئی تھی، جس میں کارتک ’دھیمے دھیمے‘ نغمے پر دیپیکا کو سگنیچر اسٹیپ سکھاتے ہوئے نظر آئے۔ ان کی اس مستی کو سوشل میڈیا پر خوب پسند کیا گیا۔
ایسا کہا جا رہا ہے کہ ان دونوں کی جوڑی بہت جلد سلور اسکرین پر دکھائی دے گی۔ یہ بھی خیال ہے کہ کارتک اور دیپیکا کی جوڑی امتیاز علی کی اگلی فلم میں نظر آسکتی ہے۔
امتیاز علی اس سے پہلے دیپکا پاڈوکون کے ساتھ’ تماشہ اور لو-آج کل‘ جیسی فلموں میں کام کر چکے ہیں۔ جب امتیاز سے پوچھا گیا کہ کیا وہ دیپکا پاڈوکون اور کارتک آرین کو ساتھ لے کر کام کرنا چاہتے ہیں تو انہوں نے کہا کہ ’انہوں نے بھی یہ افواہیں سنی ہیں‘۔
امتیاز علی نے کہا کہ میں نے دیپیکا سے اس بارے میں کوئی بات نہیں کی ہے، لیکن امید ہے کچھ ہوگا۔
امتیاز علی کی فلم ’لو آج کل' 14 فروری کو ریلیز ہو رہی ہے۔ اس فلم میں کارتک آرین اور سارہ علی خان مرکزی کردار میں ہیں۔
