اکشے کمار Bollywood Star Akshay Kumar کا شمار بالی ووڈ کے ان اداکاروں میں ہوتا ہے جو ہر سال اپنی کئی فلموں کو لے کر سرگرم رہتے ہیں۔ اکشے کمار نے رواں برس بھی مزید فلمیں کرنے کا خلاصہ کیا ہے۔
اکشے کمار نے کہا ہے کہ وہ اب پیسے کے لیے نہیں بلکہ جنون کے لیے فلمیں کرتے ہیں۔ انہوں نے کہا کہ اگر آپ روزانہ کام کرتے رہیں گے تو آسانی سے آپ کے پاس بہت سی فلمیں پائپ لائن میں ہوتی ہیں۔ میں آج پیسے کے لیے نہیں بلکہ جنون کے لیے کام کر رہا ہوں جس دن میں بے لطف ہوجاؤں گا اس دن میں کام کرنا بند کردوں گا۔
اکشے کمار ان دنوں اپنی آنے والی فلم 'بچن پانڈے' کو لے کر سُرخیوں میں ہیں۔ فلم میں اکشے کمار کے علاوہ کریتی سینن، ارشد وارثی اور جیکلین فرنانڈیز اہم کردار میں نظر آئیں گے۔ فلم کے ہدایت کار فرہاد سامجی ہیں۔ یہ فلم 18 مارچ کو سینما گھروں میں ریلیز ہوگی۔
