کورونا وائرس کی وجہ سے پورے ملک میں نافذ لاک ڈاؤن کے درمیان بالی ووڈ اداکار وکی کوشل نے اپنے سماجی رابطے کے سائٹ پر مداحوں کے ساتھ بات چیت کی اور بتایا کہ ان کا پہلا پیار بالی وڈ کی خوبصورت اداکار مادھوری دیکشت ہیں۔
وکی نے بدھ کے روز انسٹاگرام اسٹوری میں اپنے مداحوں کے ساتھ سوال جواب کا سیشن کیا تھا۔
جس میں سے وکی کے ایک مداح نے وکی سے پوچھا کہ بالی وڈ میں ان کا پہلا پیار کون تھا۔
جس کے جواب میں اداکار نے مادھوری کے ساتھ اپنی ایک تصویر شیئر کی۔
وہیں وکی کی دوسرے مداح نے وکی کی ابھی تک کی سب سے مشکل ترین فلم کے بارے میں سوال کیا۔ جس کے جواب میں وکی نے بتایا کہ رامن راگھو 2.0 کا پوسٹر شیئر کیا جو ان کے لیے سب سے مشکل ترین فلم رہی ہے۔
ایک اور مداح کے ذریعہ یہ پوچھے جانے پر کہ وکی ایسے حالات میں اپنا وقت کیسے گزار رہے ہیں تو وکی نے بتایا کہ وہ اپنے اہل خانہ کے ساتھ وقت گزار رہے ہیں، فلمیں دیکھ رہیں ہیں، ورزش کرنا، کبھی کبھی ماں کے ساتھ یوگا اور دوستوں کے ساتھ ویڈیو کالز کرکے اپنا وقت گزار رہیں ہیں۔
وہیں ایک دوسرے مداح نے سوال کیا کہ قرنطینہ میں رہنے کے بارے میں ان کا کیا خیال ہے، جس پر وکی نے بتایا کہ ابھی سب سے اہم کام یہی ہے گھر پر رہیں، محفوظ رہیں۔
