بالی ووڈ اداکار انیل کپور اپنی آئندہ فلم کی شوٹنگ کے لیے بدھ کی شام کو ضلع پالی میں واقع مشہور ہوٹل نارلائی راولا پہنچے ہیں۔وہ تقریبا 15 دن تک یہیں مقیم رہیں گے۔
اداکار انیل کپور کی ایک جھلک دیکھنے کےلیے ان کے مداحوں کی بڑی تعداد نارلائی راولا کے پاس ہجوم لگا کر کھڑی ہے۔انیل کپور اپنی آئندہ فلم تھار کی شوٹنگ کے سلسلے میں یہاں پہنچےہیں۔ان کے فلم کی شوٹنگ راجسمند ضلع کے روپ نگر گاؤں میں موجود ایک قدیم قلعے میں ہوگئی۔وہیں اسی فلم کی شوٹنگ کے سلسلے میں اداکار انیل کپور کے بیٹے ہرش وردھن کپور بھی ایک ہفتہ قبل نارلائی پہنچ چکے تھے۔
ہرشن وردھن کپور گزشتہ ایک ہفتے سے انیل کپور کی فلم کی شوٹنگ کےلیے صحیح جگہ تلاش رہے تھے۔اس جگہ کے طئے ہونے کے بعد بدھ کی شام کو انیل کپور بھی نارلائی پہنچے ہیں۔بدھ کے روز ہی انیل کپور نے اپنی فلم کی شوٹنگ کی لوکیشن دیکھنے کے بعد رات کو نارلائی ہوٹل پہنچ کر آرم کیا،
واضح رہے کہ نارلائی راولا اپنی آثار قدیمہ کی وجہ سے بہت مشہور ہے۔ انیل کپور سے پہلے بھی بہت سارے اداکار اپنی فلم کی شوٹنگ کے سلسلے میں یہاں قیام کرچکے ہیں۔ 1 سال پہلے اداکار سیف علی خان اور کرینہ کپور نارلائی راولا میں اپنی فلم کی شوٹنگ کے لئے یہاں آئے تھے۔ اس سے قبل سلمان خان اور امیتابھ بچن سمیت متعدد اداکار بھی یہاں ٹھہرے ہیں۔
