فرحان اختر نے آج (19 فروری کو) اپنی گرل فرینڈ شیبانی ڈانڈیکر کے ساتھ خاندان، رشتہ داروں، قریبی دوستوں اور فلمی شخصیات کی موجودگی میں شادی کی۔ Farhan Akhtar married Shibani Dandekar
شادی کی پہلی تصویر منظر عام پر آئی جس میں فرحان اور شیبانی دولہا دلہن کے سوٹ میں ہیں۔
فرحان اختر اور شیبانی نے ممبئی کے کھنڈالہ فارم ہاؤس میں شادی کی۔
فرحان۔شیبانی کی شادی میں ریتک روشن اپنے پورے خاندان کے ساتھ پہنچے جب کہ فلمساز آشوتوش گواریکر اور ستیش کوشک سمیت کئی ستاروں نے شادی میں شرکت کی۔
اس کے علاوہ بالی ووڈ اداکارہ ریا چکرورتی بھی شادی میں نظر آئیں۔
شادی کی جو پہلی تصویر سامنے آئی ہے اس میں فرحان اختر نے کالے رنگ کا سوٹ پہنا ہے جب کہ شیبانی سرخ گاؤن میں ہیں۔
واضح رہے کہ فرحان اور شیبانی کی شادی کی خبریں کافی عرصے سے کافی موضوع بحث تھیں اور اب یہ جوڑا شادی کے بندھن میں بندھ گیا ہے۔
دراصل جمعرات کو فرحان اختر کے گھر مہمانوں کی بہت آمد ورفت اور کافی ہلچل تھی۔ اس دن فرحان۔شیبانی کی مہندی اور ہلدی کی تقریب کا اہتمام کیا گیا تھا۔
وہیں فرحان اختر کے والدین جاوید اختر اور شبانہ اعظمی بھی شیبانی کو پسند کرتے ہیں اور انہیں ایک اچھی لڑکی بتاتے ہیں۔
واضح رہے کہ شیبانی ٹی وی میزبان انوشا ڈانڈیکر کی بہن ہیں۔
