عالمی وبا کورونا کے بڑھتے ہوئے انفیکشن سے پوری دنیا پریشان ہے۔ بالی ووڈ کے ہی مین دھرمیندر بھی کورونا وائرس کی خبر سن کر افسردہ ہوجاتے ہیں۔
دھرمیندر اکثر فارم ہاؤس جاتے رہتے ہیں، جہاں وہ سبزیوں کی کاشت کرتے ہیں اور بہتر زندگی گزارتے ہیں۔ وہ اکثر شائقین کے لیے اپنی ویڈیوز بھی شیئر کرتے رہتے ہیں۔ ان ویڈیوز میں کبھی جانور دکھائی دیتے ہیں تو کبھی ان کے ساتھ کام کرنے والے نظر آتے ہیں۔
دھرمیندر نے سوشل میڈیا پر اپنی ایک ویڈیو شیئر کی ہے۔ انہوں نے بتایا ہے کہ وہ کس طرح کورونا کے دوران بڑھتی ہوئی مایوسی کو دور کر رہے ہیں۔
دھرمیندر نے ویڈیو کے ساتھ لکھا ہے ’’بڑھتے ہوئے کورونا وائرس کی خبر سن کر دل مایوس ہو جاتا ہے، تو یہاں چلا آتا ہوں۔ پلیز پلیز ٹیک کیئر‘‘۔ ویڈیو میں وہ گائے اور اس کے بچھڑے کو پیار اور بوسہ دیتے ہوئے نظر آرہے ہیں۔ دھرمیندر نے بتایا کہ یہ ان کا کنبہ ہے ، یہاں آکر ان کو بہت خوشی ملتی ہے۔
