2019 کے پارلیمانی انتکابات میں بی جے پی واضح اکثریت ملی ہے، اس شاندار جیت پر وزیراعظم نریندر مودی کو ہر طرف سے مبارکباد دینے کا سلسلہ جاری ہے۔
سوشل میڈیا پر بیباک انداز سے تبصرہ کرنے والی اداکارہ شبانہ اعظمی نے بھی وزیراعظم مودی کی جیت پر انھیں مبارکباد دی ہے۔
حالانکہ شبانہ اعظمی کے اس ٹویٹ کے بعد یوزرس نے انھیں ٹرول کرنا شروع کردیا ہے۔ ایک یوزر نے انھیں پاکستان جانے تک کی صلاح دے ڈالی اور کئی یوزرس نے انھیں آنسو پونچھنے کے لیے رومال گفٹ کیے اور متعدد یوزرس نے شبانہ اعظمی کو دل پر پتھر رکھ کر ٹویٹ کرنے والی تک کہہ دیا۔
شبانہ اعظمی کے ٹویٹ پر کمنٹ کرتے ہوئے ایک ٹویٹر یوزر نے ان سے پوچھا کہ 'آپ ملک چھوڑنے والی تھیں، کب چھوڑ رہی ہیں میڈم؟
واضح رہے کہ 2019 کے پارلیمانی انتخابات کے دوران شبانہ اعظمی نے بیگو سرائے جاکر سی پی آئی کے امیدوار کنہیا کمار کے لیے انتخابی مہم چلائی تھی۔
حالانکہ یوزر شبانہ اعظمی کے شوہر جاوید اختر کو بھی خوب جم کر ٹرول کررہے ہیں۔
