بالی ووڈ فلم دنگل کی مشہور اداکارہ ثانیہ ملہوترا منگل کے روز 28 برس کی ہوگئی ہیں اور یہ جنم دن ان کے سب سے زیادہ خاص بھی ہے کیونکہ اداکارہ کو ہالی وڈ کی مشہور جادوئی فلم ہیری پاٹر کے اداکار ڈینیل ریڈکلیف نے ویڈیو پیغام میں یوم پیدائش کی مبارک باد دی۔
ثاانیہ ملہوترا نے اس ویڈیو کواپنی انسٹاگرام اسٹوری میں شیئر کیا۔ اداکارہ کے قریبی دوست جنید حسین نے ثانیہ کے یوم پیدائش کے موقع پر یہ ویڈیو پیغام بطور تحفہ دیا ہے۔
جنید لندن میں رہتے ہیں اور ایک وکیل ہیں، ان کی وجہ سے ثانیہ کو اپنے جنم دن کے موقع پر سب سے بڑا سرپرائز ملا ہے۔اس 6 سکینڈ کی ویڈیو میں ہیری پوٹر اسٹار ثانیہ کو جنم دن کی مبارک باد دیتے ہوئے بولتے ہیں کہ 'ہائے، یہاں میں جنید کے ساتھ ہوں، ہیلو ثانیہ ہیپی برتھ ڈے، تم جہاں بھی ہو، میں دعا کرتا ہوں کہ تمہارا دن بہترین گزرے'۔
واضح رہے کہ اپنی پہلی فلم دنگل سے فلمی دنیا میں نام بنانے والی سانیہ اس برس تین مزید فلموں میں نظر آئیں گی۔ جس میں انوراگ بسو کی 'لوڈو'، ودیا بالن کے ساتھ 'شکونتلا دیوی' اور کامیڈی ڈرامہ فلم ' پگلیٹ' شامل ہیں۔
