بالی ووڈ اداکار امیتابھ بچن اور انوپم کھیر کے بعد اب اداکارہ سارہ علی خان کے گھر میں بھی کورونا وائرس نے دستک دے دی ہے۔
اداکارہ نے پیر کی شب اپنے انسٹاگرام اکاؤنٹ پر ایک میسج میں کہا کہ ان کے ڈرائیور کی کورونا رپورٹ مثبت آئی ہے۔ بعد میں ڈرائیور کو قرنطین سینٹر بھیجا گیا۔
سارہ نے میسج میں لکھا، 'میں آپ کو بتانا چاہتی ہوں کہ ہمارے ڈرائیور کی کورونا رپورٹ مثبت آئی ہے۔ رپورٹ موصول ہونے پر بی ایم سی کو آگاہ کیا گیا اور بعد میں ڈرائیور کو قرنطین سینٹر بھیج دیا گیا۔
سارہ نے مزید لکھا، میرے اہل خانہ اور گھر کے تمام عملے کی رپورٹ منفی آئی ہے۔ ہم سب ضروری احتیاطی تدابیر اختیار کر رہے ہیں۔ بی ایم سی کے ذریعہ فراہم کردہ رہنما اصولوں کا شکریہ۔
مداحوں نے فوراً ہی سارہ کی پوسٹ پر تشویش شروع کردی۔ تھوڑی ہی دیر میں سارہ علی خان کے کمنٹ باکس میں شائقین کا ردعمل سامنے آنا شروع ہوگیا۔ ہر ایک نے اداکارہ کو خیال رکھنے کا مشورہ دیا۔
ورک فرنٹ کی بات کریں تو سال 2018 میں فلم 'کیدارناتھ' سے بالی ووڈ میں قدم رکھنے والی سارہ علی خان نے بہت ہی کم وقت میں طویل سفر طے کیا ہے۔
'سمبا' ، 'لو آج کل' میں ان کی اداکاری کو بے حد پسند کیا گیا تھا۔ اس کے علاوہ ان کے پاس بہت سی فلمیں ہیں، جن میں 'قلی نمبر 1' اور 'اترانگی رے' شامل ہیں۔
وہ 'کولی نمبر 1' میں ورون دھون کے ساتھ نظر آئیں گی۔ یہ فلم 1995 میں ریلیز ہونے والی فلم کُلی نمبر 1 کی ریمیک ہے۔ اس کی ہدایتکاری ڈائریکٹر ڈیوڈ دھون کریں گے ، جنھوں نے اصل فلم کی ہدایت کاری کی ہے۔ اسی کے ساتھ اگر 'اترنگی رے' کی بات کی جائے تو سارہ اکشے کمار اور دھنوش کے ساتھ اسکرین شیئر کریں گی۔
