ممبئی پولیس نے بالی ووڈ اداکارہ کنگنا رناوت کے باڈی گارڈ کمار شیٹی کو جنسی زیادتی اور دھوکہ دہی کے الزام میں گرفتار کیا ہے۔
ذرائع کے مطابق کمار شیٹی کو کرناٹک کے دیہی علاقہ ہیگڈاہلی میں دیہی پولیس کے تعاون سے گرفتار کرکے ممبئی پولیس اپنے ساتھ ممبئی لے گئی ہے۔
کمار شیٹی ممبئی کے ایک نوجوان میک اپ آرٹسٹ کے ساتھ تعلقات میں تھے۔ ذرائع کے مطابق ان پر الزام ہے کہ اس نے اس سے شادی کا وعدہ کرنے کے بعد اس کے ساتھ زیادتی کی اور حال ہی میں کمار نے کرناٹک میں اپنی بیمار والدہ کے علاج کے لیے 50،000 روپے ادھار لیا اور وہ بھی واپس نہیں کیا۔
اس سلسلے میں لڑکی نے ممبئی پولیس اسٹیشن میں شکایت درج کروائی تھی۔ ممبئی پولیس گزشتہ ایک ماہ سے کمار شیٹی کی تلاش کر رہی تھی۔ پولیس نے شیٹی کے خلاف مختلف دفعات کے تحت مقدمہ درج کرلیا ہے۔
