بالی ووڈ اداکار شاہد کپور آج اپنا 41 واں جنم دن منا رہے ہیں۔بالی ووڈ مں شاہد کپور ایک ایسے اداکار کے طور پر شمار کیے جاتے ہیں، جنہوں نے اپنی رومانوی انداز سے ناظرین کے دلوں میں جگہ تو بنائی ہی لیکن فلم حیدر اور کمینے میں اپنی سنجیدہ اداکاری سے اپنی اداکارانہ صلاحیتوں لوہا بھی منوایا۔
دہلی میں 25 فروری 1981 کو پید ا ہوئے شاہد کپور کو اداکاری وراثت میں ملی ہے۔ ان کے والد پنکج کپور مشہور اداکار ہیںں۔ شاہد کپور نے اپنے کیرئیر کا آغاز اشتہاری فلموں سے کیا۔ بطور اداکار انہوں نے اپنے کیرئیر کا آغاز 2003 مں آئی فلم ’عشق وشق‘ سے کیا، یہ فلم کامیاب رہی اور انہیں فلم فئر کے ڈیبو اداکار کے ایوارڈ سے نوازا گیا۔ Shahid Kapoor Best Movies
فلم عشق وشق کے بعد شاہد کپور نے ’فدا، دل مانگے مور، دیوانے ہوئے پاگل، واہ لائف ہو تو ایسی، شکھر، 36 چائنا ٹاؤن، چپ چپ کے‘ جیسے روم کوم فلموں میں کام کیا لیکن یہ تمام فلمیں کھڑکی گھر میں اپنا جادو بکھرنے میں ناکام رہی۔
سنہ 2006 میں انہیں سورج بڑجاتیہ کی فلم ' وواہ' میں کام کرنے کا موقع ملا۔ شاہد نے اس فلم مں اپنی سنجیدہ اداکاری سے شائقین کے دل جیت لئے۔ یہ فلم باکس آفس پر سپرہٹ ثابت ہوئی اور اسی کے ساتھ شاہد فلم انڈسٹری میں اپنی شناخت قائم کرنے میں بھی کامیاب رہے۔
سال 2007 کی فلم جب وی میٹ شاہدکپور کے کیرئر کی کامیاب فلم ثابت ہوئی۔ امتیاز علی کی ہدایت میں بنی فلم میں شاہد کپور اور کرینہ کپور کی جوڑی کو مداحوں نے بے انتہا پسند کیا۔ یہ فلم باکس آفس پر سپر ہٹ ثابت ہوئی۔ اس فلم کے لئے شاہد کپور کو بہترین اداکار کے لئے فلم فیئر ایوارڈ کے لئے نامزد کیا گیا۔
لیکن فلمی نقاد کی نظر شاہد پر تب پڑی جب سنہ 2009 میں ہدایتکار وشال بھردواج کی فلم کمینے میں شاہد کو کام کرنے کا موقع ملا۔ یہ فلم شاہد کی کیرئیر کی بہترین فلموں میں سے ایک ہے۔ ڈبل رول والے اس فلم میں شاہد نے دونوں کرداروں میں اپنی اداکاری سے جان بھردی۔ اس فلم کے لئے بھی شاہد کپور کا نام فلم فیئر ایوارڈ کے لئے نامزد کیا گیا۔
سال 2010 سے 2012 تک کا وقت شاہد کے کیرئیر کے لئے برا ثابت ہوا۔ اس دوران ان کی ’دل بولے ہڈپا، چانس پہ ڈانس، پاٹھشالہ، بدمعاش کمپنی، ملیں گے ملیں گے، موسم اور تیری میری کہانی‘ جیسی فلمیں منظرعام پر آئیں لیکن ان میں سے کوئی بھی فلم باکس آفس پر کامیاب نہیں رہی حالانکہ فلم موسم میں شاہد کپور کی اداکاری کو ناظرین نے ضرور پسند کیا۔
سنہ 2013 میں شاہد کپور کی فلم ’پھٹا پوسٹر نکلا ہیرو‘ اور ’آرراجکمار‘ منظر عام پر آئیں۔ پربھودیوا کی ہدایت میں بنی فلم آر راجکمار کو اوسط کامیابی ملی۔ اس فلم میں شاہد کپور نے اپنے زبردست ایکشن مناظر سے ناظرین کا دل جیت لیا۔
سنہ 2014 میں شاہد کپور کی فلم’حیدر‘ آئی۔ وشال بھاردواج کی ہدایت میں بنی فلم ’حیدر‘ میں ان کی بااثر اداکاری کے لیے شاہد کپور کو بہترین اداکار کے فلم فیئر ایوارڈ سے نوازا گیا۔ شاہد کی فلموںمیں ’رنگون، اڑتا پنجاب، پدماوت، بتی گل میٹر چالو اور سپر ہٹ فلم ’کبیر سنگھ‘ قابل ذکر ہیں۔
یو این آئی
