لاک ڈاؤن کی اس صورتحال میں بالی ووڈ اداکار سونو سود ہزاروں تارکین وطن مزدوروں کو گھروں تک پہنچانے کے لئے کوشاں ہیں،اس کی وجہ سے ان کی بہت تعریف کی جارہی ہے۔
سوشل میڈیا پر بھی لوگ اپنے انداز میں سونو کی تعریف کر رہے ہیں۔
اسی دوران بگ باس 12 سے مشہور ہوئے بہار کے گلوکار دیپک ٹھاکر نے بھی اپنے انداز میں سونو کی تعریف کی ہے۔
دیپک ٹھاکر نے سونو سود کے مہاجر مزدوروں کی مدد کرنے پر ایک گانا تیار کیا ہے۔ دیپک نے اس گانے کو اپنے سوشل میڈیا ہینڈل پر بھی شیئر کیا ہے۔
اس گانے کی ویڈیو پر سونو سود نے اپنا ردعمل ظاہر کرتے ہوئے لکھا کہ 'کیا بات ہے بھائی'۔
واضح رہے کہ سونو سوشل میڈیا پر مستقل طور پر متحرک رہتے ہیں اور لوگوں کے تمام پیغامات کا جواب بھی دے رہے ہیں۔
حال ہی میں سونو نے مہاراشٹر کے وزیر اعلی ادھو ٹھاکرے سے بھی ملاقات کی۔
