بالی ووڈ کے سپر اسٹار عامر خان نے اتوار کے روز کہا کہ وہ کشمیر فائلز ضرور دیکھیں گے کیونکہ یہ ہندوستانی تاریخ کا ایک ایسا باب ہے جو سب کے دلوں کو جھنجھوڑ دیتا ہے۔ انہوں نے یہ بات قومی دارالحکومت دہلی میں ایس ایس راجامولی کی فلم آر آر آر کے پروموشن کے دوران لوگوں سے خطاب کرتے ہوئے کہی۔ کشمیر فائلز کی کہانی 1990 میں وادی سے ہوئی کشمیری پنڈتوں کی نقل مکانی پر مبنی ہے۔ Aamir Khan says 'every Indian must watch Kashmir Files
اس دوران عامر نے کہا کہ ' جو کشمیر میں ہوا کشمیری پنڈتوں کے ساتھ وہ یقینا بہت دکھ کی بات ہے۔ ایسی ایک فلم جو اس موضوع پر بنی ہے، اس یقینا ہر بھارتی کو دیکھنا چاہیے اور ہر بھارتی کو یاد کرنا چاہیے'۔ Amir Khan on Kashmir Files
عامر خان نے مزید کہا کہ 'کشمیر فائلز کی خوبصورتی یہ ہے کہ یہ جذبات کو ابھارنے میں کامیاب رہی ہے۔عامر نے کہا، "اس فلم نے ان تمام لوگوں کے جذبات کو چھو لیا ہے جو انسانیت پر یقین رکھتے ہیں اور یہی اس فلم کی خوبصورتی ہے۔ میں فلم ضرور دیکھوں گا اور مجھے یہ دیکھ کر خوشی ہوئی کہ فلم کامیاب رہی'۔
دی کشمیر فائلز، جس کی ہدایتکاری وویک اگنی ہوتری نے کی ہے۔ اس فلم میں انوپم کھیر، درشن کمار، متھن چکرورتی، اور پلوی جوشی نے اہم کردار ادا کیا ہے۔ 11 مارچ کو ریلیز ہونے کے بعد سے یہ فلم باکس آفس پر ایک کے بعد ایک ریکارڈ توڑ رہی ہے۔ فلم کو مرکزی حکومت کی حمایت حاصل ہوئی ہے۔ وزیر اعظم نریندر مودی، مرکزی وزیر داخلہ امیت شاہ، اور حکمران بھارتی جنتا پارٹی (بی جے پی) کے کئی رہنماؤں نے فلم کی تعریف کی ہے۔
