اداکار عرفان خان کے بڑے بیٹے بابل خان نے اداکار کی ایک ویڈیو شیئر کی جو اداکار کے مداحوں کے لئے کسی خزانے سے کم نہیں ہے۔
جمعہ کے دن بابل نے انسٹاگرام میں اپنے والد کی ایک پرانی ویڈیو شیئر کی۔ اس مختصر سی ویڈیو کلپ میں عرفان پانی پوری کی مسالہ دار ذائقوں سے لطف اندوز ہوتے دکھائی دے رہے ہیں۔
ویڈیو کے عنوان میں بابل نے لکھا کہ جب آپ طویل عرصے سے ڈائیٹ پر ہوتے ہو اور فلم کی شوٹنگ بھی ختم ہوجاتی ہے تب آپ پانی پوری کھا کر لطف اندوز ہوسکتے ہو۔
بابل کی اس پوسٹ کو اب تک ایک لاکھ سے زائد لوگوں نے دیکھ لیا ہے وہیں اداکار کے مداح اس پوسٹ پر عرفان خان کے اہل خان کو اظہار تعزیت بھی پیش کررہے ہیں۔
کچھ لوگوں نے بتایا کہ اداکار کو کھونا ان کا ذاتی نقصان ہے، وہیں دوسرے مداحوں نے اظہار کیا کہ ان کی زندگی میں عرفان کا کتنا اثر تھا۔
عرفان خان نے پان سنگھ تومر، حاصل، مقبول، دا لنچ باکس، سلم ڈاگ ملینیر، انفرنو جیسی کئی فلموں میں اداکاری کرے ہندی سنیما کو بلندیوں پر پہنچا دیا ہے۔
عرفان نے بدھ کے روز 53 برس کی عمر میں آخری سانس لی۔ اس ہفتے کے شروع میں انہیں ممبئی کے کوکیلا جین دھیروبھائی امبانی اسپتال میں کولون انفیکشن کی شکایت کے بعد داخل کرایا گیا تھا۔
