ساؤتھ فلموں کے سپر اسٹار اللو ارجن کے مداحوں کے لیے خوش خبری ہے۔ دراصل اللو ارجن بالی ووڈ میں قدم رکھنے والے ہیں۔ Allu Arjun met Sanjay Leela Bhansali
اللو ارجن پیر کے روز بالی ووڈ کے مشہور فلم ساز سنجے لیلا بھنسالی سے ملاقات کرنے ان کے دفتر پہنچے تھے۔ بھنسالی کے دفتر سے اللو ارجن کی تصاویر انٹرنیٹ پر منظر عام پر آنے کے بعد یہ قیاس آرائیاں عروج پر ہیں کہ پشپا اسٹار جلد ہی بالی ووڈ میں جلوہ گر ہونے والے ہیں۔
اداکار کو سنجے لیلا بھنسالی کے دفتر میں دیکھنے کے بعد اللو کے بالی ووڈ میں آنے کی بحث تیز ہوگئی ہے۔ کہا جا رہا ہے کہ سنجے اپنے نئے پروجیکٹ کے لیے اداکار الّو کے ساتھ کام کرنے والے ہیں۔ اللو کے مداح جلد ہی اس اعلان کا انتظار کر رہے ہیں۔
- " class="align-text-top noRightClick twitterSection" data="
">
واضح رہے کہ اللو ارجن نے فلم 'پشپا: دی رائز' سے ملک اور دنیا میں بہت نام کمایا ہے۔ فلم میں ان کا کردار پشپاراج اب بھی پچھلے تین ماہ سے انٹرنیٹ پر چھایا ہوا ہے۔
مزید پڑھیں: SRK to launch OTT Venture: شاہ رخ خان نے اپنا او ٹی ٹی ایپ لانچ کرنے کا اعلان کیا، سلمان خان نے مبارکباد دی
وبا کے بعد پشپا نے باکس آفس پر کمائی کے کئی ریکارڈ بنائے ہیں۔ فلم 'پشپا: دی رائز' کے بعد اللو ارجن کے اسٹارڈم میں مزید اضافہ ہوا ہے۔
