عالیہ بھٹ عالمی وبا کورونا وائرس سے ٹھیک ہو چکی ہیں۔ عالیہ نے بدھ کے روز سوشل میڈیا پر اس کی جانکاری شیئر کی۔
عالیہ بھٹ نے اپنی صحت کے بارے میں سوشل میڈیا کے ذریعہ جانکاری دی۔ انہوں نے لکھا کہ 'ایسے وقت میں منفی ہونا بہتر ہے'۔
دو اپریل کو عالیہ بھٹ کا کورونا ٹیسٹ مثبت آیا تھا۔ اس کے بعد انہوں نے اپنے آپ کو گھر پر قرنطین کیا۔ عالیہ سنجے لیلا بھنسالی کی فلم 'گنگوبائی کاٹھی واڑی' فلم کی شوٹنگ میں مصروف تھیں۔ اسی دوران ان کی طبیعت خراب ہوئی۔ اس کے بعد جانچ میں وہ کورونا سے متاثر پائی گئی تھیں۔
عالیہ کے ساتھ ان کے مبینہ بوائے فرینڈ بھی کام کر رہے تھے، اس لیے انہوں نے اپنے آپ کو آئسولیٹ کیا تھا۔
یہ بھی پڑھیں: سوشل میڈیا پر قہر برپا کررہی ہیں جھانوی کپور کی ویڈیو
خبریں ہیں کہ جلد ہی عالیہ بھٹ باہو بلی کے ہدایتکار ایس ایس راجامولی کی فلم 'آرآرآر' میں کام کریں گی۔ ان کے ساتھ رام چرن، این ٹی آر ہوں گے۔ اس کے علاوہ وہ کرن جوہر کی فلم 'تخت' میں بھی کام کریں گی۔
