بالی ووڈ اداکار اکشے کمار نے اپنی آنے والی فلم 'اترنگی رے' سے خود کی ایک مغل بادشاہ شاہجہاں کی ویڈیو شیئر کی ہے۔ اس ویڈیو میں اکشے ہاتھ میں گلاب لے کر تاج محل کے سامنے کھڑے ہیں۔
آنند ایل رائے کی ہدایت کاری میں بننے والی اس فلم میں اکشے کی ہیروئن سارہ علی خان ہیں۔ اکشے کے اس انداز کو سارہ علی خان نے شیئر کرتے ہوئے انہوں نے لکھا کیوں کہ اس سے زیادہ اترنگی نہیں مل سکتا ۔
سارہ نے اس سے قبل سوشل میڈیا پر کہا تھا کہ وہ اکشے کمار کے ساتھ اسکرین شیئر کرنے پر بہت پرجوش اور شکر گزار ہیں۔
فلم کو بین ثقافتی محبت کی کہانی کے طور پر پیش کیا گیا ہے۔ مبینہ طور پر سارہ بہار کی ایک لڑکی کا کردار ادا کررہی ہیں اور فلم میں وہ دھنوش اور اکشے کے ساتھ دکھائی دیں گی۔
لاک ڈاؤن سے پہلے سارہ اور دھنوش نے فلم کی شوٹنگ کے پہلے شیڈول کو وارانسی میں مکمل کیا تھا۔ ہمانشو شرما کی لکھی گئی فلم 2021 میں ریلیز ہوگی۔ اس فلم میں نمرت کور بھی ہیں۔
