اجے دیوگن کامیڈی فلم 'گوبر' بنائیں گے

اس موقع پر اجے دیوگن نے کہا کہ 'گوبر کی کہانی بہت ہی انوکھی، حیرت انگیز، تفریح آمیز اور دلچسپ ہے۔ مجھے مکمل یقین ہے کہ یہ فلم دیکھنے والوں کو سنیما گھروں کی جانب متوجہ کرے گی۔ ہمیں پورا یقین ہے کہ ہم جیسا چاہتے ہیں یہ فلم ویسا ہی اثر ڈالے گی۔ ہم چاہتے ہیں کہ ناظرین ہنسیں، آرام کریں، تھوڑا سوچیں اور اس کے ساتھ ساتھ لطف اندوز بھی ہوں'۔

بالی وڈ کے سنگم اسٹار اجے دیوگن ایک کامیڈی فلم 'گوبر' بنانے جارہے ہیں۔ اجے دیوگن سدھارتھ رائے کپور کے ساتھ مل کر فلم 'گوبر' بنا رہے ہیں۔ یہ مزاحیہ زونر کی فلم ہے، اس کی ہدایتکاری کا کام برسوں سے اشتہاری فلموں کی تخلیق میں سرگرم سبل شیخاوت کریں گے۔ سبل نے اسے سمبھیت مشرا کے ساتھ مل کر لکھا ہے۔

بتایا جارہا ہے کہ فلم کی کہانی 90 کی دہائی کے پس منظر پر مبنی ہے۔ اجے دیوگن نے کہا کہ 'گوبر کی کہانی بہت ہی انوکھی، حیرت انگیز، تفریح آمیز اور دلچسپ ہے۔ مجھے مکمل یقین ہے کہ یہ فلم دیکھنے والوں کو سنیما گھروں کی جانب متوجہ کرے گی۔ ہمیں پورا یقین ہے کہ ہم جیسا چاہتے ہیں یہ فلم ویسا ہی اثر ڈالے گی۔ ہم چاہتے ہیں کہ ناظرین ہنسیں، آرام کریں، تھوڑا سوچیں اور اس کے ساتھ ساتھ لطف اندوز بھی ہوں'۔

وہیں ہدایتکار مصنف سبل شیخاوت نے کہا کہ گوبر ایک ایسی فلم ہے جو دیکھنے والوں کو 90 کی دہائی کے دلچسپ دنوں اور چھوٹے شہر کے باشندوں کی سادہ زندگی کی طرف لے جائے گی۔ میں نے یہ کہانی حقیقی واقعات کو مدنظر رکھتے ہوئے لکھی ہے۔ میں اجے اور سدھارتھ جیسے دو قابل احترام پروڈیوسروں کا شکرگزار ہوں اور خوش ہوں کہ انہوں نے میرے نظریہ پر اعتماد دکھایا اور کہانی پیش کرنے کے لئے ایک قابل تعریف کینواس دیا۔'

انہوں نے کہا کہ 'دونوں ہی پروڈکشن ہاؤس نے بہترین سنیما دیئے ہیں اور مجھے امید ہے کہ میری ہدایت بھی اتنی ہی بہترین ہوگی۔ میں بطور ہدایت کار بہت پرجوش ہوں'۔