حال ہی میں امتیاز علی کی فلم ’لو آج کل‘ کا ٹریلر ریلیز ہوا ہے ۔ کارتک آرین اور سارہ علی خان اسٹار اس فلم کو ناظرین کا ملا جلا ردعمل ملا ہے۔
کارتک نے بھی اس فلم کے پرموشن کا آغاز کردیا ہے اور وہ گزشتہ چند دنوں سے اس فلم سے وابستہ لکس شیئر کررہے ہیں ۔ ان کی تازہ ترین تصویر کے بعد کارتک کے ٹرانسفارمیشن کے بارے میں بھی کافی بحث ہورہی ہے۔
اس فلم میں کارتک ڈبل رول میں نظر آئیں گے جس میں وہ ایک1990 کے رگھو کا اور دوسرا 2020 کے ویر کا کردار نبھارہے ہیں۔ رگھو کے کردار کے لیے وہ ایک خاص ٹرانسفارمیشن سے بھی گزر چکے ہیں۔
کارتک نے سوشل میڈیا پر ایک تصویر شیئر کی ہے جس میں وہ اسکول یونیفارم پہنے رگھو کے گیٹ اپ میں نظر آرہے ہیں ۔ فوٹو دیکھ کر اندازہ لگایا جا سکتا ہے کہ انہوں نے اپنے اس لک کے لیے بہت زیادہ وزن کم کیا ہے اور ایک اسکولی بوائے کے لک کے لیے انہوں نے بہت محنت کی ہے۔
کارتک نے اس فوٹو کے کیپشن میں لکھا ہے 90 کے دور کے ہاٹ لڑکے مائنس آٹھ کلو #لو آج کل۔ یہ فلم 14 فروری کو ریلیز ہوگی۔
