رشی کیش مکھرجی کی ہدایت میں امیتابھ بچن اور راجیش کھنہ اسٹارر فلم 'آنند' 12 مارچ 1971 میں ریلیز ہوئی تھی جس کی ریلیز کو آج پورے 48 برس گزر گئے ہیں۔
امیتابھ بچن نے فلم سے وابستہ اپنی یادیں سوشل میڈیا پر شیئر کی ہیں۔ انہوں نے بتایا کہ کس طرح وہ اس فلم کے ذریعے ایک ہی رات میں سپراسٹار بن گئے تھے۔
امیتابھ بچن نے ٹوئٹر پر اپنے ایک شائق کو ری ٹوئیٹ کرتے ہوئے بتایا ہے کہ فلم کی ریلیز تک لوگ انہیں پہچانتے نہیں تھے۔ صبح جب وہ اپنی کار میں پیٹرول بھروانے گئے ہوئے تھے تب انہیں کسی نے بھی نہیں پہچانا تھا۔ شام کو جب دوبارہ وہ اسی پیٹرول پمپ پر پہنچے تو انہیں دیکھنے کے لیے بھیڑ جمع ہو گئی۔ اس قصے کو شیئر کرتے ہوئے امیتابھ نے لکھا یہ سچ ہے اور وہ پٹرول پمپ ارلا میں واقع ہے۔
