14 ویں بین الاقوامی سیل فون سینیما فیسٹیول کا آغاز

اس موقع پر ماروا اسٹوڈیو کے صدر ڈاکٹر سندیپ ماروا نے کہا کہ کچھ سال پہلے کسی نے بھی اپنے فون سے فلم بندی کے بارے میں سوچا بھی نہیں تھا۔ لیکن یہ آج ممکن ہے، تقریبا 14 سال پہلے ہم نے موبائل پر پہلی فلم نیویارک یونیورسٹی کے کارل باردوش کے ساتھ شو ٹنگ کی تھی۔ فلم کی آدھی شوٹنگ نیویارک اور آدھی نوئیڈا میں ہوئی تھی اور لوگ موبائل فون کا جادو دیکھ کر حیران رہ گئے تھے۔

پروفیسر کارل باردوش نے کہا کہ جب ہم نے سیل فون سنیما شروع کیا تھا تو زیادہ تر لوگوں نے اس پر تنقید کی تھی کیونکہ اس وقت سنیما کے بڑے سامان جس میں ٹریک ٹرالی، کرینیں، اسٹینڈز، لائٹس وغیرہ موجود تھے۔ موجودہ دور میں موبائل نے ان سب چیزوں کی جگہ لے لی ہے۔ آج ہر شخص موبائل سے فلم بنانا چاہتا ہے۔

یونیورسٹی آف نیو یارک، امریکہ کے پروفیسر پیٹر تیراساکس نے بتایا کہ "میں دنیا بھر میں موبائل سنیما کو فروغ دینے میں کارل اور سندیپ کی 14 سالہ شراکت کی تعریف کرتا ہوں۔

لندن کے پیٹر فیرس کا کہنا تھا کہ یہ موبائل فلموں کا دور ہے۔ کورونا کے دور میں موبائل سب سے زیادہ استعمال ہوا ہے اور لوگوں نے موبائل سے شارٹ فلمیں بنائیں، سوشل میڈیا پر شیئر کیں اور بتایا کہ مختصر فلموں سے آگاہی اور تفریح دونوں فراہم کی جا سکتی ہے۔ اس کے ساتھ عام آدمی کی مشکلات کو بھی بخوبی دکھایا جاسکتا ہے۔

اس موقع پر اشوک تیاگی سکریٹری آئی سی ایم ای آئی، پنکج پاراشر فلم ڈائریکٹر، راجیو چودھری فلم پروڈیوسر اور یوگیش مشرا فیسٹیول ڈائریکٹر نے بھی خطاب کیا۔