دہلی: ریلائنس جیو نے حال ہی میں 16 شہروں میں 5G سروس لانچ کی ہے۔ جیو کی 5G سروس تقریبا اب بیشتر شہروں میں دستیاب ہے۔ صارفین جیو ویلکم آفر کے ذریعے Jio 5G کا استعمال کر سکتے ہیں۔ اس آفر کے ذریعے صارفین کو ان لمٹیڈ تیز رفتار ڈیٹا فراہم کیا جاتا ہے۔ اور اس کے لیے انہیں اضافی رقم خرچ کرنے کی بھی ضرورت نہیں ہے۔
نئے لانچ کے ساتھ، Reliance Jio کی 5G سروس کو 134 شہروں میں استعمال کیا جا سکتا ہے۔ ویلکم آفر کے لیے آپ کو سائن اپ کرنا ہوگا۔ اس کے لیے آپ کو گوگل پلے اسٹور یا ایپل ایپ اسٹور سے MyJio ایپ ڈاؤن لوڈ کرنا ہوگا۔ بعد ازیں آپ کو ایپ میں اپنے Jio نمبر سے لاگ ان کرنا ہوگا۔ ایپ پر آپ کو Jio True 5G ویلکم آفر کا بینر نظر آئے گا۔ اس کے استعمال کا طریقہ بھی اس پر بتایا گیا ہے۔ آپ کو صرف آن اسکرین ہدایات پر عمل کرنا ہے۔ اس کے بعد آپ آفر کے لیے سائن اپ کر سکیں گے۔
کامیاب سائن اپ کے بعد، ٹیکسٹ الرٹ کے ذریعے آپ کی تصدیق کی جائے گی۔ حالانکہ ہم آپ کو بتادیں کہ کچھ لوگوں کو اس کا الرٹ ملنے میں ایک ہفتے کا وقت لگ سکتا ہے۔ اس کے علاوہ، آپ کے پاس 239 روپے یا اس سے زیادہ کا ان لمٹیڈ کالنگ پلان ہونا چاہیے۔ اس سے قبل میں کمپنی نے اپنی 5G سروس کو یوپی کے کانپور، میرٹھ، آگرہ، پریاگ راج جیسے شہروں میں لانچ کیا تھا۔ تاہم کمپنی نے کچھ عرصہ پہلے Jio 5G اپ گریڈ ڈیٹا پیک بھی لانچ کیا تھا۔ جس کی قیمت کمپنی نے 61 روپے رکھی تھی۔
مزید پڑھیں:
اس کے ساتھ ہی صارفین کو 6GB 4G ڈیٹا دیا جاتا ہے۔ ساتھ ہی ان لمٹیڈ 5جی ڈیٹا ایکسیس بھی دیا جاتا ہے، اگر صارف کا پلان 239 روپے سے کم ہے یا زیادہ ہے، تو آپ کو اس اپ گریڈ پیک کی ضرورت نہیں ہوگی۔ اس کے علاوہ، آپ کو 5G فون کو جدید ترین سافٹ ویئر میں اپ گریڈ کرنا ہوگا اور نیٹ ورک میں 5G موڈ کو منتخب کرنا ہوگا۔
