حیدرآباد: لیپ ٹاپ کا کریز دن بدن بڑھتا جارہا ہے۔ گزشتہ دو برسوں میں لیپ ٹاپ کا زیادہ استعمال ہونے لگا ہے۔ لیپ ٹاپ نے دفتر میں بھی ڈیسک ٹاپ کی جگہ لے لی ہے۔ اس کو دیکھتے ہوئے کئی کمپنیوں نے اب کم قیمت پر لیپ ٹاپ لانچ کرنا شروع کردیا ہے۔ اگر آپ کے پاس پرانا لیپ ٹاپ ہے اور نیا خریدنا چاہتے ہیں تو کم قیمت کا لیپ ٹاپ جلد ہی مارکیٹ میں لانچ ہونے والا ہے۔ Infinix اپنے کم قیمت کے فونز کے لیے جانا جاتا ہے۔ اب وہ اپنا سب سے سستا لیپ ٹاپ بھی لانچ کرنے کی تیاری کر رہا ہے، ڈیوائس کا نام Infinix Inbook Y1 Plus ہے اور یہ 20 فروری کو بھارت میں لانچ ہوگا۔ لانچ سے پہلے لیپ ٹاپ کی قیمت اور فیچرز فلپ کارٹ پر سامنے آچکی ہے۔ تو آئیے Infinix Inbook Y1 Plus لیپ ٹاپ کے بارے میں تفصیل سے جانتے ہیں۔
nfinix Y1 Plus کی خصوصیات
انفینکس وائی ون پلس (Infinix Y1 Plus) لیپ ٹاپ فلپ کاٹ پر لسٹ کیا جارہا ہے۔ لسٹنگ سے پتہ چلتا ہے کہ Infinix Y1 Plus میں 15.6 انچ کا FHD ڈسپلے ہوگا جس میں 250 نٹس کی برائٹنیس ہوگی۔ ڈیوائس کو سلیک ڈیزائن اور چاروں طرف سے باریک بیزلز کے ساتھ دیکھا جا سکتا ہے۔ لیپ ٹاپ Intel Core i3 10th gen پروسیسر سے تقویت یافتہ ہوگا۔
Infinix Y1 Plus کی بیٹری
انفینکس وائی ون پلس میں 50Whr کی بیٹری ہوگی جو ایک بار چارج کرنے پر 10 گھنٹے تک چلے گی۔ یہ 45W Type-C چارجر کے ساتھ آئے گا جو تقریباً ایک گھنٹے میں لیپ ٹاپ کو 75 فیصد تک چارج کر سکے گا۔ لیپ ٹاپ ونڈوز 11 آپریٹنگ سسٹم پر چلے گا۔ اس میں ڈوئل ایل ای ڈی لائٹس، ڈوئل مائک اور AI نوائس ریڈکشن فیچر ہوگا۔
مزید پڑھیں:
Infinix Y1 Plus کی بھارت میں قیمت
بھارت میں انفینکس وائی ون پلس کے 256GB ویرینٹ کی قیمت 44,490 روپے ہوگی، جبکہ 512GB ویرینٹ کی قیمت 49,490 روپے ہوگی۔ Infinix نے پہلے تصدیق کی تھی کہ ڈیوائس کی قیمت 30,000 روپے سے کم ہوگی۔
