سان فرانسسکو: فائر فاکس انٹرنیٹ براؤزر کی ڈیولپر موزیلا نے فیک اسپاٹ (FakeSpot) حاصل کر لیا ہے۔ یہ ایک اسٹارٹ اپ ہے جو صارفین کو ویب سائٹ اور براؤزر ایکسٹینشن کے ذریعے جعلی یا ناقابل اعتماد جائزوں کی شناخت کرنے میں مدد کرتا ہے۔ فیک اسپاٹ کے ساتھ، کمپنی نے کہا کہ موزیلا فائر فاکس (Mozilla Firefox) کے صارفین کو ایک قابل اعتماد شاپنگ ٹول تک رسائی حاصل ہوگی جو ای کامرس کے تجربے کو بہتر بنانے میں مدد کرے گا۔
موزیلا نے یہ بھی بتایا ہے کہ وہ وقت کے ساتھ ساتھ موزیلا فائر فاکس میں فیک اسپاٹ (FakeSpot) فعالیت متعارف کرائے گی۔ موزیلا نے منگل کو ایک بلاگ پوسٹ میں کہا، فیک اسپاٹ تمام بڑے ویب براؤزرس اور موبائل آلات پر کام کرتا رہے گا، اور موزیلا ٹیم اپنے بہت سے صارفین کے لیے فیک اسپاٹ کے تجربے کو بہتر بنانے میں سرمایہ کاری جاری رکھے گی۔' انہوں نے کہا مہ مستقبل میں فیک اسپاٹ کے انضمام بھی ہوں گے جو فائر فاکس ( Firefox )کے لیے منفرد ہوں گے۔ فیک اسپاٹ کی صلاحیتوں کو شامل کرنے سے، فائر فاکس کے صارفین گمراہ کن جائزوں سے بچ سکیں گے اور یہ جان کر اعتماد کے ساتھ خریداری کر سکیں گے کہ وہ جو کچھ خرید رہے ہیں وہ اعلیٰ معیار کا ہے۔'
کچھ دن پہلے، موزیلا نے Mozilla.Ai کے نام سے ایک نیا اسٹارٹ اپ متعارف کرایا، جس سے کمپنی کو امید ہے کہ 'ایک بھروسے مند اور آزاد اوپن سورس AI ایکو سسٹم' بنایا جائے گا۔ کمپنی نے کہا کہ وہ اس نئے اسٹارٹ اپ کو بنانے کے لیے ابتدائی طور پر 30 ملین ڈالر کی سرمایہ کاری کر رہی ہے۔ نئے اسٹارٹ اپ Mozilla.AI کی ابتدائی توجہ ایسے ٹولز پر ہو گی جو جنریٹو AI کو زیادہ محفوظ اور زیادہ شفاف اور لوگوں پر مبنی سفارشی نظام بناتے ہیں۔
