اترپردیش کے ضلع اٹاوہ کی جیل میں ایک قیدی نے پھانسی لگا کر خودکشی کرلی۔
ضلع جیل کے سپرانٹنڈنٹ راجیش کشور سنگھ نے بتایا کہ خودکشی کرنے والے قیدی کو 14دنوں قبل گرفتار کر کے جیل بھیجا گیا تھا۔ حادثے کی مجسٹریٹ سے جانچ کرائی جارہی ہے۔ فی الحال ابھی خودکشی کی وجوہات کا پتہ نہیں چل سکا ہے لیکن جیل افسروں نے قیدی کے جیل میں آنے کے بعد سے تناؤ میں رہنے کی جانکاری دی ہے۔
ضلع اوریا کے ایروا کٹرا علاقے کے گاؤں ککرکاٹ باشندہ پنکج کمار کو پولیس نے 10اگست کو گرفتار کرنے کے بعد کورٹ میں پیش کرکے میڈیکل کی کارروائی پوری کرنے کے بعد جیل میں داخل کرایا تھا۔
پولیس نے اسے لڑکی کو بہلا پھسلا کرلے جانے کے معاملے میں گرفتار کیا تھا۔
