بانڈی پورہ کی عوام نے اس ضمن میں حکام سے شکایت کی ہے کہ ضروری اشیاء کی قیمتوں میں غیر ضروری اضافہ ہوگیا ہے، اس پر حکام کی جانب سے کارروائی کی جائے۔
بانڈی پورہ کے ڈپٹی کمشنر ڈاکٹر اویس احمد کی ہدایت پر لیگل میٹرولوجی کے مارکیٹ چیکنگ اسکواڈ نے گذشتہ دو ہفتوں کے دوران دکانداروں 11000 روپے جرمانے عائد کیا ہے۔
قیمتوں میں اضافہ کی شکایات کا سخت نوٹس لیتے ہوئے ضلع انتظامیہ نے اس سلسلے میں ایک اہم مہم چلائی ہے۔
ڈپٹی کمشنر بانڈی پورہ اویس احمد نے تمام متعلقہ افسران کو ہدایت کی ہے کہ وہ اپنے علاقے کی منڈیوں کے باقاعدہ معائنہ کو یقینی بنائیں اور زائد قیمتوں اور دیگر غلط کاموں میں ملوث افراد کے خلاف سخت کارروائی کریں۔
مزید پڑھیں:انتظامی افسران و بی ڈی سی چئیرمین نے گُرمل کا دورہ کیا
اسسٹنٹ کنٹرولر کی سربراہی میں محکمہ لیگل میٹرولوجی نے گذشتہ دو ہفتوں کے دوران ملنگام ، واٹہ پورہ ، اوناگام اور مین مارکیٹ میں سبزی ، پھل فروش ، پولٹری ، گوشت بیچنے والے ، کیرانا ، بیکری ، ایل پی جی ڈسٹری بیوٹرز اور ایندھن کی فراہمی کے پمپوں سمیت مختلف کاروباری اداروں کا معائنہ کیا۔
اس دوران 19 تاجروں کے خلاف مقدمہ درج کیا گیا اور مزید تاجروں پر 11000 روپے جرمانہ عائد کیا گیا ہے۔ ڈی سی بانڈی پورہ نے کہا کہ اس قسم کی کارروائی مستقل طور پر جاری رہے گی۔
