ریاست اترپردیش کے ضلع سہارنپور کے تھانہ قطب شیر علاقہ کے محلہ ڈھولی خال کے باشندہ غیاث الدین کا سات سالہ بیتا عبدالسمیع جمعرات کی رات تقریباً دس بجے اچانک غائب ہوگیا تھا۔
بچے کے غائب ہونے کے بعد گھر والوں نے اسے کافی جگہ تلاش کیا لیکن اس کوئی پتہ نہ چل سکا۔ جس کے بعد والد نے دیر مقتول کے والد نے تھانہ قطب شیر میں اپنے بیٹے کی گمشدگی کی تحریری شکایت درج کرائی۔
شکایت ملنے کے فوراً بعد پولیس نے کارروائی شروع کردی اور شک کی بنأ پر بچے کے چاچا کو گرفتار کیا گیا، تب ہی پولیس نے پوچھ تاچھ میں سختی برتی اور ملزم چاچا نے اپنا گناہ قبول کرلیا اور یہ بھی بتایا کہ اس نے اپنے بھتینے کا گلا دباکر قتل کیا ہے۔ اس واقعہ کے بعد متوفی کے اہلخانہ صدمے سے نڈھال ہوچکے ہیں۔
پولیس نے کشن پورہ نالہ کی پٹری سے بچے کی لاش برآمد کرکے اسے پوسٹ مارٹم کے لیے بھیج دیا ہے۔ پولیس ملزم چاچا اور اس کے ساتھیوں سے مزید پوچھ تاچھ کررہی ہے۔
ایس پی سٹی ونیت بھٹناگر نے بتایا کہ ملزم چند دنوں قبل ہی دہلی سے آیا تھا اور اس نے آپسی رنجش کی بنأ پر منصوبہ بند طریقے سے اپنے بھتیجے کو اغوا کرکے قتل کی واردات انجام دی۔
پولیس نے یہ بھی بتایا کہ ملزمان نے پولیس اور مقتول کے اہلخانہ کو گمراہ کرنے کے لیے تاوان کی خطیر رقم کا بھی مطالبہ کیا تھا لیکن بروقت وہ گرفتار کرلے گئے۔
