سشانت سنگھ راجپوت معاملے میں جہاں ریا سے پوچھ گچھ جاری ہے تو وہیں دوسری جانب سشانت سنگھ کے گھر کام کرنے والے دِپیش ساونت کو 9 ستمبر تک این سی بی کی تحویل میں بھیج دیا گیا ہے۔
دِپیش ساونت کو پوچھ گچھ کے بعد گزشتہ روز گرفتار کیا گیا تھا اور اسے اتوار کی صبح این سی بی عدالت میں پیش کیا گیا جہاں اسے نو ستمبر تک این سی بی حراست میں بھیجنے کی ہدایت دی گئی۔
اس کے ساتھ ہی اس معاملے میں این سی بی اب تک آٹھ افراد کو گرفتار کر چکی ہے۔
اس معاملے میں سب سے اہم مشتبہ ریا چکرورتی کے بھائی شووِک اور سُشانت کے گھر کے مینیجر مِرانڈا کو بھی گزشتہ اتوار کو گرفتار کیا گیا تھا۔
