ریاست راجستھان کے ناگور ضلع کے بڑی کھاٹو علاقے میں واقع حضرت سمن دیوان بابا کی درگاہ میں ایک چوری کا واقعہ سامنے آیا ہے۔
ذرائع کے مطابق درگاہ میں مزار کے قریب چندہ کے لیے ایک پیٹی نصب کیا گیا تھا، جس کو چوروں نے توڑ کر اس میں رکھی ہوئی رقم اپنے ساتھ لے کر چلے گئے۔
اس تعلق سے مقامی پولیس اسٹیشن میں معاملہ بھی درج کرایا گیا ہے، بڑی کھاٹو پولیس اہلکار نے ای ٹی وی بھارت اردو کے نمائندے سے فون پر بات چیت کے دوران بتایا کہ درگاہ کمیٹی کے صدر عبدالغفور بہلیم سلاوٹ نے ایف آئی آر درج کرواتے ہوئے لکھا کہ درگاہ میں چوری کی واردات سامنے آئی ہے، جس میں چور نے تقریبا ایک لاکھ روپے چورا لیے ہیں۔
پورے معاملے کی تحقیقات پولیس کے اے ایس آئی سو حلال کر رہے ہیں، انہوں نے بتایا کہ چوری کا انکشاف کرنے کے لیے درگاہ اور درگاہ کے اطراف میں لگے ہوئے سی سی ٹی وی کیمرے بھی چیک کیے جا رہے ہیں۔
واضح رہے کہ بڑی کھاٹو علاقے کے قریب ہی ترناؤ علاقے میں آج ایک بینک لوٹنے کی بھی بڑی واردات سامنے آئی ہے، جس کے بعد میں پولیس کے کام پر سوالیہ نشان کھڑے ہو رہے ہے۔
