موصولہ اطلاع کے مطابق دیر رات سورج پور تھانے کے علاقے میں یہ غیر ملکی جشن منا رہے تھے۔ ان کے قبضے سے غیر ملکی برانڈ کی 300 بیئر اور شراب کی بوتلیں ضبط کی گئی ہیں۔
اس پارٹی میں 50 سے زیادہ افراد پارٹی میں شامل ہوئے تھے۔
پولیس کے چھاپے کے دوران 11 ملزم پکڑے گئے جبکہ دیگر فرار ہوگئے۔ ان کے خلاف مقدمہ درج کرکے مزید کارروائی کی جارہی ہے۔
پولیس کے مطابق بغیر اجازت ان لوگوں نے پارٹی منعقد کی۔ جیسے ہی پولیس کو اطلاع ملی فوری کاروائی کی گئی۔
پولیس نے بتایا کہ گرفتار شدہ سبھی افراد افریقی نژاد ہیں۔ واضح رہے کہ تعلیم کے سلسلہ میں افریقی ممالک کے طلبا و طالبات بڑی تعداد میں نوئیڈا میں مقیم ہیں۔
