ریاست اترپردیش کے ضلع مظفرنگر علاقے کے جانسٹھ پولیس کو مخبر سے اطلاع موصول ہوئی تھی کہ کچھ شرپسند علاقے میں غیر قانونی منشیات کا کاروبار کر رہے ہیں۔
اطلاع موصول ہونے کے بعد پولیس نے سلارپور کے چیک پوسٹ پر چیکنگ مہم چلاتے ہوئے ایک ہنڈا سٹی کار کو جب پولیس نے چیکنگ کے لیے روکنے کا اشارہ کیا تو شرپسندوں نے پولیس ٹیم پر فائرنگ کرتے ہوئے فرار ہونے کی کوشش کی لیکن پولیس نے شرپسندوں کا محاصرہ کر کے گرفتار کر لیا۔
گرفتار شرپسندوں کے قبضہ سے پولیس نے لاکھوں کی قیمت کا 80 کلوگانجا، دو غیرقانونی طمنچہ، زندہ کارتوس، ایک ہنڈا سٹی کار اور ایک کینٹر بھی برآمد کیا ہے۔
اس معاملے میں ایس ایس پی ابھیشیک یادو نے جانکاری دیتے ہوئے بتایا کہ گرفتار کیے گئے شرپسند افراد وشاکھاپٹنم سے گانجے کی ایک بڑی کھیپ مظفر نگر میں فروخت کرنے کے ارادے سے لا رہے تھے جنہیں مخبر کی اطلاع پر گرفتار کر لیا گیا ہے۔
پولیس ذرائع کے مطابق پکڑے گئے شرپسندوں میں سے ایک شاطر راکیش گھٹائیں بھی شامل ہے، جو ماضی میں غیر قانونی شراب اسمگلنگ کا کاروبار کرتا تھا اور یہ اس معاملے میں جیل بھی جا چکا ہے، پولیس کی سختی کی وجہ سے پکڑے گئے راکیش نے اب شراب کی اسمگلنگ چھوڑ کر گانجے کی اسمگلنگ شروع کر دی تھی جسے وقت رہتے اس کے ساتھیوں کے ساتھ گرفتار کرکے جیل بھیجا جا رہا ہے۔
