مہاراشٹر کے دارالحکومت ممبئی سے متصل مسلم اکثریتی شہر ممبرا پولیس نے چوری کی مختلف وارداتوں انجام دے کر مفرور ہوئے چار ملزمین کو پولیس نے دیوا سے گرفتار کر ان کے پاس سے پانچ لاکھ روپئے کا مسروقہ مال برآمد کیا ہے۔
پولیس کے مطابق ملزمین چوری اور نقب زنی کے 9 معاملات میں مطلوب تھے جنھیں کورٹ نے چار دن کی پولیس تحویل میں بھیج دیا ہے ۔
ممبرا پولیس سے موصولہ اطلاعات کے مطابق ممبرا و دیوا میں نقب زنی کے کئی معاملات پیش آنے بعد محکمہ نے ان ملزمین کو تلاش کرنا شروع کیا ممبرا پولیس اشٹیشن میں تعینات پولیس ٹیم نے خفیہ اطلاع کی بنیاد پر عادل سراج الدین خان ایم ایم ولی روڈ کوسہ سے حراست میں لیا اس سے سختی سے پوچھ تاچھ کرنے پر اس نے ممبرا میں سنہ 2019 میں تین چوریوں کو انجام دینے کا اعتراف کیا۔
اس طرح پولیس نے دیوا میں ہونے والی چوریوں پر بھی نظر رکھنی شروع کی اور یہاں بھی انھوں نے جال بچھا کر ہرش گلاب پوار، وکاس سنیل گھوڑکے اور پنکج موریہ نامی ملزمین کا سراغ ملا جنھیں حراست میں لے لیا گیا اور پوچھ تاچھ کرنے پر انھوں نے 6 چوریاں و نقب زنی کرنے کی بات پولیس کے سامنے قبول کی۔
ان ملزمین پر ایف آئی آر پولیس اسٹیشن میں پہلے سے درج تھے اس طرح ان مفرور ملزمین کو پولیس نے گرفتار کر ان کے پاس سے پانچ لاکھ15ہزار تین سو کا مسروقہ مال برآمد کر لیا ہے۔
سینئر انسپکٹر مدھوکر کڑ نے بتایا کہ ملزمین کو مختلف معاملوں میں الگ الگ دنوں کی ریمانڈ ملی ہے اس لیے یہ لوگ کئی دنوں تک پولیس تحویل میں رہیں گے لیکن ان کی ٹیم آگے مزید کاروائی کر رہی ہے اور جلد ہی کئی اور ملزمین حوالات میں ہوں گے۔
