لہسن سے بھرا غائب ٹرک برآمد،ملزم گرفتار

ریاست راجستھان کے باراں ضلع میں پولیس نے آٹھ جولائی کو نیمچ کے لئے بھیجے جانے کے بعد غائب ہوا لہسن سے بھرا ٹرک برآمد کرکے ملزم کو گرفتار کرلیا ہے۔

ضلع پولیس سپرنٹنڈنٹ ڈاکٹر روی نے بتایا کہ انکت سیٹھی تاجر دھان منڈی باراں نے رپورٹ دی کہ 8جولائی کو دھان منڈی باراں سے 226 بوری لہسن کے ٹرک نمبر آر جے 52جی اے 5305میں بھر کر ٹرک مالک ڈرائیور کیلاش چند یوگی کو سپرد کرکے نیمچ بھیجا گیا تھا۔

ٹرک ڈرائیور مال کے ساتھ نو جولائی نیمچ نہیں پہنچ کر بے ایمانی سے کہیں اور لے گیا۔

تھانہ کوتوالی میں معاملہ درج کرکے قائم کی گئی ٹیم نے اس معاملہ میں مطلوب ٹرک مال کے ساتھ 186کٹے لہسن ضبط کرکے ڈرائیور ملزم کیلاش چند یوگی عمر 48سال باشندہ دیوکا ہرواڈا تھانہ چندواجی ضلع جے پور کو گرفتار کرلیا۔

ملزم سے باقی مال کے بارے میں پوچھ گچھ جاری ہے۔