مہاراشٹر کے دارالحکومت ممبئی سے متصل شہر تھانے کی پولیس نے مشترکہ کاروائی میں نابالغ لڑکیوں سے جسم فروشی کا کاروبار کرانے پر مجبور کرانے والی تین خواتین کو گرفتار کیا ہے۔
گزشتہ روز تھانے اینٹی ہیومن ٹریفکنگ سیل کو خفیہ اطلاع ملی تھی کہ شہر میں تھانہ نگر پولیس اسٹیشن کے نزدیک سڈکو بس ڈپو کے سامنے پاکٹ کیفے ہوٹل کے قریب ایک خاتون نابالغ لڑکیوں کو جسم فروشی کے لیے لانے والی ہے۔
جس کے بعد تھانے پولیس نے ٹیم تشکیل دے کر مذکورہ مقام پر جال بچھایا اور اس دوران پولیس ٹیم نے تین خواتین کے قبضہ سے دو نابالغ اور ایک بالغ لڑکی کو بازیاب کرایا ہے۔
پولیس نے جب خاتون سے پوچھ گچھ کی تو اس نے یہ اکشاف کیا کہ' اس دھندے میں وہ گاہکوں سے رابطہ کرنے کے لیے موبائیل فون سے کا استعمال کرتی تھی۔
مزید یہ کہ یہ خاتون ایک 15سالہ نابالغ لڑکی کو پہلی بار جسم فروشی کے لیے 1.50 لاکھ میں فروخت کرنے جارہی تھی۔ گرفتار ہونے خواتین کئی برسوں سے جسم فروشی کا گھناونا کاروبار چلا رہی تھیں۔
ملزم خواتین نے تفتیش کے دوران پولیس کو بتایا ہے کہ ان لڑکیوں کو ایک دوسرے جسم فروشی کا کاروبار کرنے والے اسکاٹ سے بلایا تھا پولیس ٹیم نے ان تینوں لیڈی بروکرز کو بھی گرفتار کر لیا ہے۔
اب تھانہ کرائم برانچ ان ملزمین کے خلاف پیٹا اور پوسکو ایکٹ کے تحت قانونی کارروائی کرنے اور ان لڑکیوں کی اصلاح کے لیے ناری نکیتن بھیجنے کی قانونی کارروائی کررہی ہے۔
