اترپردیش کے ضلع بہرائچ میں لاک ڈاؤن کی خلاف ورزی کرتے ہوئے مسجد میں اجتماعی طور سے نماز ادا کرنے کے الزام میں پولیس نے جمعہ کو امام سمیت کئی افراد کو گرفتار کیا ہے۔
سپرنٹنڈنٹ آف پولیس ڈاکٹر بپن کمار مشرا نے یہاں بتایا کہ قیصر گنج علاقے کے بیری مہیش پور گاؤں واقع مسجد میں نماز پڑھنے اور لاک ڈاؤن کی خلاف ورزی کے معاملے میں پولیس نے امام سمیت 10افراد کو گرفتار کیا ہے۔
انہوں نے بتایا کہ گرفتار سبھی افراد کو قرنطینہ کے لئے راجکیہ بالیکا انٹر کالج بسیا پاسی جرول روڈ بھیج دیا گیا ہے۔ انہوں نے بتایا کہ اس سلسلے میں دفعات 188،269،270اور وبائی بیماری ایکٹ کی دفعہ 3 ،ڈیزاسٹر منیجمنٹ ایکٹ کے تحت مقدمہ درج کیا گیا ہے۔
مسٹر مشر نے بتایا کہ کورونا انفیکشن کے پھیلاؤ کو روکنے کے لئے جاری لاک ڈاؤن پر سخت سے عمل کرایا جارہا ہے اور حکم کی نافرمانی کرنے والوں کے خلاف سخت کاروائی کی جائےگی۔
