کیمور کے جگریہ گاؤں میں انسانی معاشرے کے تعلقات کو شرمندہ کر نے کا ایک سنسنی خیز معاملہ سامنے آیا ہے، جہاں ایک شخص نے اپنی دوسری بیوی کے ساتھ مل کر پہلی بیوی کو زہر دے کر ہلاک کر دیا۔ معاملہ کا انکشاف ہونے پر پورے علاقہ میں افراتفری پیدا ہوگئی ہے۔
ہلاک شدہ خاتون کی شناخت منجو دیوی کے طور پر ہوئی ہے، جو اجۓ پاسوان کی پہلی اہلیہ تھی۔
اطلاعات کے مطابق اجۓ پاسوان نے دو شادی کر رکھی تھی۔ اتوار کے روز اجۓ پاسوان نے دوسری بیوی کی مدد سے اپنی پہلی بیوی کو زہر دے کر قتل کردیا
منجو دیوی کی حالات تشویشناک ہونے کے بعد مقامی لوگوں نے انہیں بھبھوا صدر اسپتال میں داخل کیا، جہاں پراٸمری طبی علاج کے بعد صدر اسپتال کے ڈاکٹروں نے انہیں وارانسی کے لۓ ریفر کر دیا تھا۔لیکن وارانسی لے جانے کے دوران ہی انکی موت واقع ہوگٸ۔
منجو دیوی کے اہل خانہ نے پوری معاملے کی شکایت بھبھوا تھانہ کو دے دی ہے۔پولیس نے ایف آئی آر درج کرکے تفتیش شروع کردی ہے۔
