ریاست اترپردیش میں جرائم کی واردات میں روز بروز اضافہ ہوتا جارہا ہے، گزشتہ تین ستمبر کو دو بندوق بردار بدمعاشوں نے ایک معذور شخص دلیپ پٹیل کو گولی مار کر فرار ہوگئے تھے۔
حالانکہ پوری واردات سی سی ٹی وی کیمرے میں قید ہوگئی، سی سی ٹی وی فوٹیج میں دیکھا جاسکتا ہے کہ دو شخص اپنا منہ چھپا کر آتے ہیں اور دلیپ کو گولی ماردیتے ہیں۔ یہی نہیں ایک بدمعاش کے دوسرے ہاتھ میں ابھی ایک بندوق ہوتی ہے جس سے وہ دلیپ پر مزید فائر کرتا ہے۔
فوٹیج میں دیکھا جاسکتا ہے گولی چلانے والے شخص کے ساتھ ایک اور آدمی ہوتا ہے جو آس پاس کھڑے لوگوں پر فائر کرتا ہے، اس فائرنگ میں ایک مزدور زخمی بھی ہوا تھا۔
مقامی پولیس نے کیس درج کرلیا ہے، ابتدائی تحقیقات میں اس بات کا خلاصہ ہوا ہے کہ حملہ آور ایک عادی مجرم ہے اور اس کا نام جھنا پنڈت ہے۔
پولیس اس معاملے کی مزید تحقیقات کررہی ہے۔
