ریاست اترپردیش کے ضلع نوئیڈا پولیس اسٹیشن سیکٹر 24 نے بین ریاستی گروہ کے چار شاطر بائک چوروں کو گرفتار کیا ہے۔چوروں کے قبضے سے 05 موٹر سائیکل، مختلف کمپنی کے 37 موبائل فون، غیر قانونی اسلحہ اور دیگر مسروقہ سامان بھی برآمد ہوا ہے۔
ان سے برآمد شدہ موٹر سائیکلوں اور موبائل فون کے تعلق سے ان چوروں کے خلاف درجنوں مقدمات درج تھے۔
پولیس کے مطابق خفیہ اطلاع کی بنیاد پر انہیں نوئیڈا کے سیکٹر 12/22 سے گرفتار کیا گیا۔ ملزمان ساگر، کلدیپ، سورج اور سمیر بین ریاستی گروہوں کے شاطر مجرم ہیں۔ کلدیپ اور سورج پر 13 مقدمہ درج ہیں جبکہ سمیر پر پانچ اور ساگر پر آٹھ مقدمات درج ہیں۔
ملزمین غیر قانونی اسلحے سے لیس یہ ملزمان چوری شدہ موٹرسائیکلوں پر سوار ہو کر راہ چلتے لوگوں سے موبائل فون لوٹتے تھے اور چوری شدہ موبائل اور موٹرسائیکلیں فروخت کرکے پیسہ کماتے ہیں۔
