بہارمیں مونگیر ضلع پولیس نے ضلع کے دھر ہرا تھانہ علاقہ میں گوبر گیس پلانٹ کے نیچے چل رہے ایک مینی گن فیکٹری کا پردہ فاش کرکے کثیر مقدار میں تیار اور نیم تیار اسلحہ کے ساتھ پانچ لوگوں کو گرفتار کیا ہے۔
مونگیر کے ڈپٹی انسپکٹر جنرل آف پولیس منو مہاراج نے بتایا کہ اطلاع کی بنیاد پر گھر ہرا گاؤں واقع ایک غیر قانونی کارخانے پر چھاپہ مار کر ایک دیسی پستول ، بارہ نیم تیار دیسی پستول ،پندرہ کارتوس اور اسلحہ بنانے والی دیگر اشیاء برآمد کی گئی ہیں۔
مسٹر مہاراج نے بتایا کہ چھاپوں کے دوران موقع پر سے راجو کمار ، فیاض کمار ، گلاب کمار، اسلم کمار اورگوپال کمار کو گرفتار کیا گیا ہے۔
ان میں راجو، فیاض اور اسلم بندوق کاریگر ہے جو مونگیرضلع کے مفصل تھانہ علاقہ کے مرزا پور برہد گاؤں کا رہنے والا ہے ۔ وہیں گلاب کمار اور گوپال کمار گوبر گیس پلانٹ کامالک ہے اور دھر ہرا گاؤں کا رہنے والا ہے ۔
ڈپٹی پولیس انسپکٹرجنرل نے بتایاکہ گرفتار اسلحہ سازوں اور کارخانہ مالکوں نے پولیس کے سامنے قبول کیا ہے کہ طلب کے مطابق سبھی دیسی اسلحہ تیار کر کے بدمعاشوں کو اس کی سپلائی برسوں سے کرتے آرہے تھے ۔ پولیس معاملے کی خصوصی تفتیش کررہی ہے ۔
